Волонтерски Центар Скопје бара волонтери (18-30 години) од Македонија за учество на тимски волонтерски проект „European Neighbourhood Courtyards” во Полска.
Место: Гдањск, Полска
Датум: 15.06 – 06.07.2026 (21 денови)
За проектот:
Бараме пријателски настроени и отворени лица кои сакаат да помогнат, да го запознаат Гдањск и не се плашат да разговараат и да работат со други луѓе.
Во јуни 2026 година, Гдањск ќе биде домаќин на меѓународен состанок на претставници од влади, финансии и бизнис, фокусиран на економска соработка и инвестиции.
Улогата на волонтерите ќе биде логистичка поддршка на гостите, вклучително и организациска помош и координација на нивниот престој на локацијата.
Исто така, ни требаат лица кои се подготвени да помогнат во парковите од заедницата, како што се поправка на градинарски мебел, средување на тревата и извршување на други физички задачи.
За повеќе информации: ИНФОПАКОТ
Партнер на проектот: Regionalne Centrum Wolontariatu w Gdańsku
Технички детали:
Проектот е финансиран од Еразмус+, така што сите патни трошоци ќе бидат надоместени според прописите на Еразмус+. Сместување, осигурување, месечен џепарлак и храната се обезбедени.
Како да се пријавите?
- Пополнете го формуларот за апликација на англиски јазик —> Формулар за апликација
- Закачете го вашето CV на англиски јазик во формуларот за апликацијата.
- Доколку наидете на какви било тешкотии при пополнувањето на формуларот, ве молиме контактирајте нè на: vcs_contact@yahoo.com
Краен рок за аплицирање: 27.05.2026
Пријавените кандидати ќе бидат известени по истекот на крајниот рок кога ќе биде направен конечниот избор.