Волонтерски Центар Скопје бара 6 учесници (14-17 години) и 1 лидер/старател на групата (+18 години) од Македонија, кои што ќе сакаат да учествуваат на младинската размена „Community building for a shared future“ во Шпанија.
Место: Сиера Елвира, близу Гранада, Шпанија
Датум: 08.07 – 17.07.2026
За проектот:
Овој проект ќе обедини млади луѓе од различни земји да живеат и учат во реална, самоуправувана заедница, ко-креирана и водена заеднички од луѓе со животни искуства со бездомништво и социјална исклученост. Главната цел е да се предизвикаат стереотипите за бездомништвото и социјалната исклученост преку директен контакт, споделен секојдневен живот и активно учество во активностите на заедницата. Учесниците ќе се вклучат во практични работилници и заеднички задачи што опфаќаат теми како што се самоуправување, соработка, вклученост и заедничка одговорност.
За повеќе информации: ИНФОПАКОТ
Партнер на проектот: Fundación Escuela de Solidaridad
Технички детали:
Проектот е финансиран од Еразмус+, така што сите патни трошоци (до 395 евра) ќе бидат надоместени според прописите на Еразмус+. Храната и престојот ќе бидат обезбедени.
Како да аплицирате?
- Пополнете го формуларот за апликација на англиски јазик —> Формулар за апликација
- Доколку наидете на какви било тешкотии при пополнувањето на формуларот, ве молиме контактирајте нè на: vcs_contact@yahoo.com
Краен рок за аплицирање: 07.06.2026
Пријавените кандидати ќе бидат известени по истекот на крајниот рок кога ќе биде направен конечниот избор.