„Водич за младински работници за дигитална социјална инклузија на млади луѓе со помалку можности“ е изработен во рамките на проектот F.O.R.Z.A. (акроним за Fewer Opportunities Rethinking Z to A) и беше развиен за да ги запознае младинските работници и другите практичари како што се обучувачите и едукаторите на врсници со дигиталните практики на собирање податоци и на тој начин креирање на индивидуални наставни програми за учење насочени кон младите луѓе.
Водичот опфаќа четири главни теми:
- Извлекување на влезни податоци од информации достапни во апликациите и социјалните медиуми за конкретна проектна апликација од потенцијалните учесници.
- Дизајн и имплементација на индивидуални наставни програми за учење.
- Стратешка употреба на алатки за насочување на повратни информации и евалуација.
- Употреба на повратните информации и податоци за евалуација за дизајнирање на наставните програми за учење.
„Водич за младински работници за дигитално социјално вклучување на млади луѓе со помалку можности“ се заснова на активности и материјали добиени од практичните искуства на неговите автори преку работата со млади луѓе, но и постоечките ресурси, истражувања, анализи и методи.
Водичот е релативно краток и треба да се прочита во целост за да се даде преглед на различните аспекти на практиките за собирање дигитални податоци. Младинските работници потоа можат да се однесуваат конкретно на одредени делови по потреба и да ги користат добрите практики на авторите за подобро да ги разберат дигиталните алатки предложени во овој водич.
Овој водич е создаден како дел од проектот „Fewer Opportunities Re-thinking Z to A F.O.R.Z.A.“ финансиран со поддршка на програмата Еразмус+ на Европската Унија, преку Клучна акција 2 – KA220-YOU – Партнерства за соработка кај младите.