Здраво на сите! Јас сум Зејнеп од Турција.

Последните 7 години живеам во Анкара, а ова ми е прв пат да престојувам во странство, што е навистина возбудливо. Сметам дека Скопје беше одличен избор за мене. Луѓето овде се многу гостопримливи, улиците се прекрасни, градот има мирна и спокојна атмосфера, а има и толку многу нови работи за откривање.

Што се однесува до мене, јас сум 25-годишна психолог и моментално ја пишувам мојата магистерска теза од областа на родовите студии – тема што ми е навистина важна. Сакам да истражувам како општеството влијае врз нашите лични проблеми.

Кога станува збор за моите хобија, сакам да одам на прошетки (Скопје е одлично за тоа!), уживам да гледам филмови бидејќи ми овозможуваат да видам различни животни искуства од различни култури и околности (и за тоа Скопје е одлично!), а сакам и да цртам скици бидејќи тоа ми помага да се опуштам и да се ослободам од стресот (повторно, Скопје е одлично за тоа!).

Искрено кажано, чувствував мала трема пред да дојдам овде, бидејќи ова ми беше прво патување во странство. Сепак, благодарение на срдечноста на другите волонтери и убавината на Скопје, чувствувам дека брзо се прилагодив. Затоа, ако треба да дадам совет на секој што го чита ова, би рекла: бидете отворени за можностите што ви ги нуди животот. Дури и ако новите ситуации на почетокот изгледаат застрашувачки, тие имаат потенцијал да внесат боја, возбуда и нови познанства во нашите животи. Затоа, не плашете се да зачекорите во непознатото. Личниот развој се случува токму на границата на нашата зона на удобност.

Со нетрпение очекувам да создадам незаборавни спомени овде, во ВЦС и во прекрасното Скопје. Се најдобро!

Зејнеп

Организација-испраќач: Avrupa Birliği Çalışmaları Merkezi Derneği