Здраво на сите,

ако требаше да го започнам овој вовед на вообичаениот начин, би рекла дека се викам Патриција, дека сум студентка по општествени науки и дека доаѓам од Словачка… што е точно, но која сум јас, всушност?

Да бидам целосно искрена, секогаш ми е толку тешко да се дефинирам себеси. Не затоа што нема ништо интересно кај мене што би можело да се спомене, туку пред се, затоа што навистина сакам толку многу различни работи што е тешко да се ставам само во една кутија.

Она што го мислам со тоа е дека ми се допаѓа сè: од патување, запознавање нови луѓе и учење нови јазици, преку спортување, поминување време во природа и земање на мојата дневна доза од 10.000 чекори, до слушање подкасти, читање, креативно пишување и танцување. Покрај тоа, музиката е нешто без кое не можам ниту еден ден, бидејќи како танчерка, развив навистина силна врска со следењето на ритамот.

Главната причина зошто дојдов во Скопје е да растам како личност, а воедно да се стремам да го збогатам животот на некој друг преку мојата волонтерска работа. Без разлика дали станува збор за придонес во списанието „Воисес“, организирање забавни настани за младите или цел да им го разубавам денот на децата… јас сум тука за тоа!

За крај, навистина сакам да го завршам овој пасус велејќи дека навистина верувам дека дури и најмалата промена или донација, или едноставно давање комплименти на странци или споделување насмевка со некого, може да има огромно и трајно влијание! Затоа, би сакала да ги охрабрам сите што го читаат овој мој краток вовед да бидат посвесни за другите луѓе и да внимаваат на животната средина, бидејќи тоа не само што ќе му помогне на светот, туку и ќе ви користи внатрешно. 🙂

На здравје за ова ново поглавје!

Патриција

Организација-испраќач: KERIC