Почитувани,

Волонтерски Центар Скопје во периодот од 1 јули до 30 ноември ќе го реализира проектот „Без расправање“ во три мултиетнички општини во Македонија, Скопје, Струга и Гостивар. Главна цел на проектот е да ја зголеми свесноста на младите за важноста на интеркултурната комуникација и интеракција. Имено, проектот ќе овозможи интензивна и блиска интеркултурна комуникација и интеракција помеѓу младите средношколци, спознавање на различните културни вредности и традиции и нивно прифаќање. Волонтерски Центар Скопје во рамки на проектот ќе реализира Летен камп „ИнКоИн“ ( Интеркултурна комуникација и интеракција) за млади од 16 до 18 години, за таа цел објавува: ПОВИК ЗА УЧЕСНИЦИ НА ЛЕТЕН КАМП „ИнКоИн“.

Летниот камп ќе се одржи во Струга, од 1-ви до 7-ми август 2018 година. Во рамки на петдневниот камп ќе бидат релаизирани модули за:
1. Комуникакција и активно слушање,
2. Интеркултурна комуникација,
3. Емпатија,
4. Интеркултурен дијалог
5. Врсничка едукација, подготовка на работилници за врсничка едукација.

Услови и начин на пријавување:
-Да се биде на возраст помеѓу 16-18 години;

-да се биде жител на еден од следните градови: Гостивар, Скопје и Струга;

– отворени за интеркултурно учење;

Вашиот интерес за учество на Летниот камп пријавете го со пополнување на следната апликациона форма: https://goo.gl/forms/es50t44rlXBWStg92  , најдоцна до 20.07.2018.

Селектираните учесници ќе бидат контактирани по електронски пат преку е-маил на 23.07.2018 година.

Организаторот ќе ги покрие патните и трошоците за хотелско сместување на учесниците.

Подетални информации за Летниот камп може да најдете на следниот линк: Повик за учесници на Летен Камп „ИнКоИн“ .

Во очекување на вашите пријави, секое добро.

Со почит,

Тимот на ВЦС

Проектот е финансиран од Фондација Отворено општество Македонија.