Здраво! Јас се викам Кјубра Нур, имам 22 години и доаѓам од Ескишехир, Турција. Студирам Меѓународни односи на Универзитетот во Анкара, годинава сум апсолвент. Го сакам мојот отсек, бидејќи ме интересира да ја учам мојата и историјата и политиката на другите земји.

Сакав да направам нешто поразлично ова лето. И отсекогаш сакав да волонтирам во друга земја преку проекти од програмата ЕСК (Европски Солидарен Корпус). Така, аплицирав за овој проект бидејќи ми е интересно да пишувам статии и да дизајнирам за списанието „Воисес“. Освен тоа, мислам дека ова искуство ќе ги подобри моите вештини за пишување и ќе ме научи како да организирам работилници и настани што ќе ми требаат еден ден во блиска иднина.

Сакам да градам пријателства кои траат и кога ќе се вратиме во нашите земји. Сакам да запознавам нови луѓе со различни приказни од поинакви култури. Навистина сум возбудена да ја истражувам Македонија и нејзината историја. Јас веќе го сакам Скопје поради неговата природа. Во слободното време, сакам да се дружам со моите пријатели, така што би било прекрасно да се дружам и да патувам и со нови пријатели.

Верувам дека овој проект ќе ми донесе драгоцено искуство и знаење. ВЦС ме охрабрува да разговарам на англиски со други луѓе што многу ми помага во личниот развој. Навистина ме интересира како ќе се одвива мојата авантура во Скопје.

Кјубра Нур Булукбаш

Кјубра ќе волонтира во ВЦС во следните 6 недели преку краткорочен ЕСК проект.

Организација-испраќач: EU Activities Center (Турција)