Главната цел на проектот е да се зајакнат капацитетите на ВЕТ професионалците за спроведување на нивните практики за ментално здравје и промоција на социо-емоционалната благосостојба за ВЕТ студентите во проекти со мобилност. Партнерите на проектот ќе обезбедат  иновативни, педагошки и инклузивни решенија за сите предизвици по менталното здравје кои би биле прифатливи за сите ВЕТ студенти и останатите млади луѓе кои се соочуваат со ментални проблеми, за да се покаже дека емоционалната благосостојба е достижна.

За постигнување на оваа цел проектните партнери ги креираа специфичните цели:

1. Елаборирање на студија која ги истакнува постоечките потреби и очекувања во однос на менталното здравје во ВЕТ секторот

2. Креирање на педагошка алатка за ВЕТ професионалците за спроведување на праксата за ментално здравје во нивните организации

3. Развивање на обука за ВЕТ студентите за подигнување на свесноста за менталното здравје и помош за интегрирање на нивната емоционална благосостојба во обуките и мобилностите

4. Создавање на интерактивна алатка која ќе им овозможи на ВЕТ студентите да ги усовршат своите емоционални, спознајни и социјални вештини.