Волонтерски Центар Скопје, како координатор на проектот „Изработка на стратегија на Општина Кисела Вода за соработка со граѓанскиот сектор“, ве поканува на јавна дискусија, која ќе се одржи во понеделник, 9 Јули, со почеток во 18 часот, во салата за состаноци на Советот на Општина Кисела Вода. Јавната дискусија се одржува по повод финализација на процесот на изработка на Стратегија на Општина Кисела Вода за соработка со граѓанскиот сектор. Дискусијата е од јавен и отворен карактер и предмет на дискусијата ќе бидат драфт верзијата на наведената стратегија, заедно со едногодишниот акционен план за нејзина имплементација во 2013 година.