Clean your backyard first, and then look further

Clean your backyard first, and then look further

„Најпрво исчисти во својот двор, па потоа гледај понатаму“, нели? Тоа беше нашата девиза попладнево кога си го поставивме прашањето: „Што не е во ред со нас?“? Пред нашите очи го гледаме нашиот дом – зошто сакаме да живееме вака?

Затоа се собравме со членовите на семејството на Волонтерски Центар Скопје, ја оставивме нашата работа за еден момент настрана и се посветивме на нешто што влијае на животот на сите. Собравме ѓубре во два контејнери, вкупно 20 кубни метри отпад плус неброеми корпи шишиња, конзерви и стакло што може да се рециклираат … и се што можете да замислите дека луѓето фрлаат на земја.

Акцијата остави мала тага во нашите срца, но и надеж; можеби оние што видоа колку се трудиме – ќе може да се прилагодат на нов начин на размислување и да не ја валкаат околината. Свеста ни е најниско ниво, но време е да ги придвижиме работите. Инертноста на општините и на институциите на власта не смеат да делуваат обесхрабрувачки.

Напротив, нашиот пример треба да го следат сите: млади, стари, леви, десни, вакви или онакви. Оти истиот воздух го дишeме сите. Истата природа ќе ни врати подеднакво без оглед кои сме. Потребно ни е повеќе акција, повеќе гласност и поголема видливост за да ги разбудиме луѓето и надлежните да престанат да ги игнорираат проблемите и да започнат да дејствуваат.

Овој дел од нашата заедница е подолго време запуштен. Стоиме на располагање доколку надлежните одлучат оваа средина да изгледа современо, модерно и урбано.

Ние соработуваме заедно со За Почиста Македонија