Волонтерски Центар Скопје бара волонтери (18–30 години) од Македонија за учество на краткорочен ЕСК-проект „Volunteering in France“ во Франција.
Место: различни локации во Франција
Период: Можни датуми од сега до Септември (1 или 2 месеци)
Повеќе информации:
- Grand-Est (2 места)
Период: почеток од сега до 5-ти Септември (1 или 2 месеци)
Место: Фуде, Франција
Волонтерите активно ќе учествуваат во групниот живот, управување со куќата и организирање поддршка при пристигнување и заминување на 4 различни групи во центарот “Louise Scheppler”. Тие ќе помагаат во поддршка на на другите волонтери во разбирање на колективните правила и организирање на активности. Ќе ги организираат и оброците и ќе помагаат во интернационалните настани. Волонтерите ќе промовираат практики за животната средина, подигање свест и ќе фасилитираат работилници, игри и настани за инволвирање на локалната заедница и промоција на меѓународното волонтерство.
- REV (1 место)
Период: почеток од сега до 30-ти Септември (1 или 2 месеци)
Место: Ле Пон де Монвер, Франција
За времетраењето на проектот волонтерите ќе учествуваат во реновирање на градби, дневни работи и организација на културни настани, работилници и средби со разновидни групи. Тие ќе водат меѓународни работни кампови за млади луѓе, ќе се вклучат во грижа за градината и животните и промовирање на волонтерството и претставување на активностите на асоцијацијата на јавноста.
- Le Créneau (1 место)
Период: почеток од сега до 30-ти Септември
Место: Монкомбру ле Мин, Франција
За времетраењето на проектот волонтерот ќе креира групна динамика преку активности за добредојде и игри, разрешување на конфликти, ќе ја води групата за донесување одлуки за дневните задачи и менија, ќе управува со проектниот буџет и документи и ќе поттикнува контакти со локалното население преку организирање средби и планирање активности.
Проектен партнер: Solidarités Jeunesses
Технички детали: Проектот е финансиран од „Еразмус+“, така што сите патни трошоци ќе бидат покриени во согласност со прописите на програмата. Сместувањето и храната, како и часовите по јазик се обезбедени.
Како да аплицирате?
- Пополнете го формуларот за апликација на англиски јазик —> Формулар за апликација
- Закачете го вашето CV на англиски јазик во формуларот за апликацијата.
- Доколку наидете на какви било тешкотии при пополнувањето на формуларот, ве молиме контактирајте нè на: vcs_contact@yahoo.com
Краен рок за аплицирање: 10.07.2024
Пријавените кандидати ќе бидат известени по истекот на крајниот рок кога ќе биде направен конечниот избор.